श्रीलंकामा प्रदर्शनकारीहरूले प्रधानमन्त्री निवासमा आगजनी गरेका छन् ।

प्रदर्शनकारीहरूले शनिवार प्रधानमन्त्री निवासमा आगजनी गरेको अन्तर्राष्ट्रिय समाचार एजेन्सीहरूले जनाएका छन् ।

प्रदर्शनकारीलाई पुलिसले बल प्रयोग गरेको थियो । 

प्रदर्शनकारीमाथि सुरक्षाकर्मीहरूले अश्रु ग्यास प्रहार गरेको समेत समाचार एजेन्सीहरूले जनाएका छन् । 

सुरक्षाकर्मीले त्यहाँ उपस्थित पत्रकार तथा अन्य भीडलाई तितरवितर गर्न प्रहार गरेपछि उनीहरू आक्रोशित भएका थिए । 

आक्रोशित भीडले प्रधानमन्त्री निवासमा आगो लगाएका हुन् ।

प्रधानमन्त्री विक्रमासिंघेले शनिवारमात्रै पदबाट राजीनामा दिन तयार भएको बताएका छन् । 

प्रदर्शनकारीहरूले शनिवार राष्ट्रपति निवासमा पनि तोडफोड गरेका थिए ।