जनता समाजवादी पार्टी (जसपा)का प्रभावशाली नेता महिन्द्र राय यादवले पार्टी विभाजन रोक्नको लागि अधिकतम् पहल गर्ने बताएका छन् । संघीय परिषद् अध्यक्ष डा. बावुराम भट्टराई पक्षको भेलालाई मंगलवार सम्बोधन गर्दै यादवले स्वास रहुन्जेल पार्टी एकता जोगाउन पहल गर्ने बताएका हुन् । 

‘विशेष अवस्थामा पार्टी एकता भएको थियो, श्वास रहुन्जेल हामी पार्टी जोगाउन जोगाउन पहल गर्छौँ, तर हाम्रो प्रयासले मात्र बच्ने सम्भावना कम छ’ यादवले भने । अध्यक्ष उपेन्द्र यादवले असार २९ र ३० गतेका लागि वीरगञ्जमा केन्द्रीय समितिको बैठक बोलाएका छन् । त्यसको पूर्वसन्ध्यामा भट्टराई पक्षले विस्तारित बैठक बोलाएको हो ।