जनता समाजवादी पार्टी (जसपा) नेपालका संघीय परिषद् अध्यक्ष डा. बाबुराम भट्टराईले केन्द्रीय कार्यकारिणी अध्यक्ष उपेन्द्र यादवले एकलौटी र स्वेच्छाचारी प्रवृत्ति देखाएको आरोप लगाएका छन् । 

मंगलवार काठमाडौंमा आयोजित केन्द्रीय कार्यसमितिको विस्तारित बैठकलाई सम्बोधन गर्दै उनले पार्टीमा ठूलो बन्नका लागि यादवले एकलौटी र स्वेच्छाचारी ढंगबाट पार्टीका गतिविधिहरू गरेको आरोप लगाएका हुन् । 

उनले संख्यात्मक रुपमा पनि आफ्नो पक्षमा नै बहुमत रहेको दाबीसमेत गरे । यस्तै उनले अध्यक्ष यादवले बोलाएको बैठकलाई गुटको भेला भन्दै मान्यता नदिने बताए । 

अध्यक्ष भट्टराईले नेपालका दल र सरकार नसच्चिए श्रीलंकाकै बाटोमा देश पुग्ने दाबी गरे ।