साढे २ वर्षदेखि रिक्त रहेको प्रतिनिधि सभाको उपसभामुख पदका लागि चुनावको मिति तोकिएको छ । 

बुधवारको संसद बैठकमा सभामुख अग्निप्रसाद सापकोटाले चुनावका लागि असार ३१ गतेको मिति तोकेका हुन् । 

उनले आजै निर्वाचन कार्यक्रमको सूचना प्रकाशित गर्न सचिव गोपालनाथ योगीलाई निर्देशनसमेत दिएका छन् ।

२०७६ माघ ६ गते तत्कालीन उपसभामुख शिवमाया तुम्वाहाम्फेले राजीनामा गरेपछि प्रतिनिधि सभामा उपसभामुख पद रिक्त छ ।

सभामुख र उपसभामुख एउटै दलले लिन नपाउने संवैधानिक व्यवस्था छ ।