प्रतिनिधि सभाको उपसभामुख पदको निर्वाचन कार्यक्रमसम्बन्धी सूचना बुधवार प्रकाशित भएको छ । 

संसद बैठकमा सभामुख अग्निप्रसाद सापकोटाले असार ३१ गतेको मिति तोक्दै निर्वाचन कार्यक्रमको सूचना प्रकाशित गर्न निर्देशन दिएका थिए । 

निर्वाचन कार्यक्रमअन्तर्गत बिहीवार बिहान ११ बजेदेखि दिउँसो १ बजेसम्म उपसभामुखका लागि प्रस्ताव दर्ता गर्ने र दर्ता भएका उम्मेदवारीको सूची साढे १ बजे प्रकाशन गरिनेछ । यस्तै ३१ गते दिउँसो ३ बजे प्रस्तावकले प्रस्ताव गर्ने र समर्थकले समर्थन गर्ने, उम्मेदवारीको सूचनामाथि सामूहिक रुपमा छलफल हुने र दर्ता क्रमानुसार निर्णयार्थ प्रस्तुत गर्ने कार्यक्रम छ । 

२०७६ माघ ६ गते तत्कालीन उपसभामुख शिवमाया तुम्वाहाम्फेले राजीनामा गरेपछि प्रतिनिधि सभामा उपसभामुख पद रिक्त छ ।

सभामुख र उपसभामुख एउटै दलले लिन नपाउने संवैधानिक व्यवस्था छ ।