नेपाली कांग्रेसका केन्द्रीय सदस्य भीम पराजुलीले पार्टीले हिन्दू धर्मलाई मुख्य एजेण्डा बनाउनुपर्ने बताएका छन् । 

उनले बुधवार केन्द्रीय समिति बैठकमा धर्मनिरपेक्षता हटाई धार्मिक स्वतन्त्रता कायम गर्न प्रस्तावसमेत राखेका छन् । 

‘देशमा धार्मिक बहसका कुरा उठिरहेका छन्, धर्मान्तरणका कुराहरू पनि त्यत्तिकै आएका छन्,’ उनले भने, ‘यी सबै कुराहरूलाई रोक्न वैदिक सनातन धर्मको मूल्यमान्यताअनुसार हिन्दू धर्मलाई मुख्य एजेण्डा बनाई नेपाली कांग्रेसले धर्मनिरपेक्षता हटाई धार्मिक स्वतन्त्रता कायम गर्न केन्द्रीय कार्यसमितिमा प्रस्तावको रुपमा राख्न चाहन्छु ।’

उनले यसको नेतृत्व कांग्रेसले लिन आग्रह पनि गरेका छन् ।