भारत पुगेर प्रचण्डले भने – अर्थतन्त्रले सकारात्मक गति लिएको छ, नेपाल श्रीलंका हुँदैन

नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले नेपाल श्रीलंका नहुने बताएका छन् ।

भारतको नयाँदिल्लीस्थित नेपाली राजदूतावासमा शनिवार आयोजित अन्तक्र्रिया कार्यक्रममा बोल्दै प्रचण्डले भने, ‘अनावश्यक हल्ला चलाइयो । विगत केही दिनदेखि अर्थतन्त्रले सकारात्मक गति लिएको छ, नेपाल श्रीलंका हुँदैन ।’

अध्यक्ष प्रचण्डले आफ्नो भ्रमण पहिल्यैदेखि तय भएको सद्भाव भ्रमण रहेको बताए । ‘कुनै मुख्य एजेन्डा छैन, सद्भाव भ्रमण हो । डुबान समस्यादेखि लिएर सबै समस्याको छलफल हुन्छ,’ उनले भने ।

प्रधानमन्त्री शेरबहादुर देउवापत्नी आरजु राणा देउवा समेत दिल्ली भ्रमणमै छिन् ।