अर्थ मन्त्रालयले चालू आर्थिक वर्ष २०७९/८० को बजेट कार्यान्वयनसम्बन्धी मार्गदर्शन जारी गरेको छ । चालू आवको पहिलो दिनै सार्वजनिक गरेको यस मार्गदर्शन अनुसार स्वीकृत वार्षिक कार्यक्रममा परेका आयोजनाले साउनभित्रै बोलपत्र आह्वान गर्नुपर्ने छ ।

मार्गदर्शन अनुसार तयारीका चरणहरू पूरा गरेका आयोजनाको त्रैमासिक विभाजनसहितको वार्षिक खरिद योजना, डिजाइन र लागत अनुमान तयार गरेर साउनभित्रै बोलपत्र आह्वान गर्नुपर्ने व्यवस्था गरेको छ ।

साउनमा बोलपत्र भएका आयोजनाको असोजभित्रै ठेक्का सम्झौता गर्नुपर्ने र सम्झौता गरेको १५ दिनभित्र कामै शुरू गर्नुपर्ने मार्गदर्शन अर्थ मन्त्रालयले तय गरेको छ । 

अर्थको स्वीकृत कार्यक्रममा नपरेका आयोजनालाई बजेट निकासा गर्ने, रकमान्तर गर्ने वा कार्यक्रम संशोधन गर्न नपाइने भएको छ ।

१० करोडभन्दा ठूला आयोजनाको राष्ट्रिय सतर्कता केन्द्रबाट आयोजनाको निर्माण गुणस्तरको प्राविधिक परीक्षण गराउनुपर्ने छ । यसले आयोजनाको काम गुणस्तर गर्न र सम्बन्धित पदाधिकारी तथा ठेकेदारलाई जवाफदेही बनाउने उल्लेख छ ।

५ करोडभन्दा बढीका आयोजना कम्तिमा छ वर्षे ग्यारेन्टीका हुनु पर्ने छ । यस्ता आयोजना निर्माण सकिएको ५ वर्षसम्म मर्मत गर्ने ग्यारेन्टी ठेकेदारले लिनुपर्ने व्यवस्था पनि अर्थ मन्त्रालयले गरेको छ । 

हेर्नुहाेस् बजेट कार्यान्वयनसम्बन्धी मार्गदर्शन