फोटोसहितको मतदाता नावामली संकलनको काम गाउँपालिकाको केन्द्रबाटै गर्न प्रतिनिधिसभामा आवाज उठेको छ । बिहीवार बसेको प्रतिनिधिसभा बैठकको शून्य समयमा एमाले सांसद भानुभक्त ढकालले गाउँपालिकाको केन्द्रबाटै नामावली संकलनको लागि सरकारको ध्यानाकर्षण गराएका हुन् । 

‘शहरी क्षेत्रमा अनलाइनबाट मतदाता नामावली संकलन शुरू भएको छ । प्रत्येक पालिकाको केन्द्रबाट नामावली संकलनका लागि सरकारको ध्यानाकर्षण गराउँछु’ ढकालले भने, ‘राष्ट्रिय परिचयपत्र बनाउँदा निर्वाचन आयोगसँग समन्वय गरी राष्ट्रिय परिचयपत्र बनाउँदा नै मतदाता नामावलीमा नाम रहने व्यवस्था गर्न सरकारको ध्यानाकर्षण गराउँछु ।’