नेकपा (एकीकृत समाजवादी)का अध्यक्ष माधव कुमार नेपाल, नेकपा माओवादी केन्द्रका अध्यक्ष पुष्पकमल दाहाल  'प्रचण्ड', पूर्वमहान्यायाधिवक्ता डा.युवराज संग्रौलालगायतले आइतवार जन–बहस गर्दैछन् । 

नेपाल कम्युनिष्ट पार्टीका संस्थापक महासचिव पुष्पलाल श्रेष्ठको ४४औँ स्मृति दिवसको उपलक्ष्यमा पुष्पलाल मित्रता केन्द्रले आयोजना गर्न लागेको ‘विश्वको भूराजनीतिक तनाव र नेपालको परिस्थिति’ विषयक जन–बहसमा उनीहरूले सम्बोधन गर्न लागेका हुन् ।

कार्यक्रममा पूर्वमहान्यायाधिवक्ता डा.युवराज संग्रौला, चीनका लागि पूर्व नेपाली राजदूत डा. महेश मास्के, डा.खगेन्द्र प्रसाईलगायतले सम्बोधन गर्ने कार्यक्रम रहेको आयोजक संस्थाका अध्यक्ष तथा नेकपा एसका उपमहासचिव जगन्नाथ खतिवडाले बताए ।

असंलग्नता र राष्ट्रियतामाथि देखिएको गम्भिर चुनौतीलाई मध्यनजर गर्दै जन–बहस कार्यक्रमको आयोजना गर्न लागिएको खतिवडाले प्रस्ट पारे । कार्यक्रम दिउँसो १२ः३० बजे काठमाडौंको बबरमहलस्थित कार्की ब्याङक्वेटमा आयोजना हुनेछ ।