×

X
Nic Asia
Marvel
Khukuri

सन्दर्भ : चुनावी तालमेल र समाजवादी केन्द्रको चर्चा

त्रिपक्षीय प्रतिस्पर्धाको अवस्था आउन सक्छ, कांग्रेसले आफ्नो पनि ध्यान देओस्– गंगालाल तुलाधर [अन्तर्वार्ता]

'माओवादी वा एमालेसँग तत्काल एकता गर्ने पक्षमा छैनौं'

काठमाडाैं | साउन १२, २०७९

NTC
Argakhanchi Cement
Premier Steels
British college
TVS INSIDE

सत्तारूढ पाँचदलीय गठबन्धनभित्रका वामपन्थी झुकाव राख्ने दलहरू मिलेर समाजवादी केन्द्र वा मोर्चाको रूपमा उप–गठबन्धन बनाउनेबारे नेताहरूबीच घनिभूत छलफल चलिरहेको छ । 

DHARA
LAxmi BAnk

त्यसमा पनि नेकपा माओवादी केन्द्रका अध्यक्ष प्रचण्डले नेकपा (एकीकृत समाजवादी)सँग पार्टी एकताको प्रस्ताव गरिरहेका छन् ।


Advertisment
NMB BANK
RMC TANSEN
NIC ISLAND BOX

आसन्न प्रदेश सभा र प्रतिनिधि सभाको निर्वाचनमा त्रिपक्षीय प्रतिस्पर्धा हुने गरी वाममोर्चा बनाउने तयारी भइरहेका बेला एकीकृत समाजवादीको सचिवालय बैठकले पार्टी एकताको पहल गर्ने निर्णय पनि गरेको छ । 

यसै सन्दर्भका जानकार एव नेकपा एकीकृत समाजवादीका उपमहासचिव एवं पार्टीको केन्द्रीय कार्यालय सचिव डा. गंगालाल तुलाधरसँग लोकान्तरका लागि उद्धव थापाले कुराकानी गरेका छन् ।


Advertisment
Bizbazar
Saurya island

प्रस्तुत छ, अन्तर्वार्ताको सम्पादित अंश :

नेकपा (एकीकृत समाजवादी)को पछिल्लो सचिवालय बैठकले पार्टी एकताको पहल गर्ने भन्ने निर्णय गरेको छ । पार्टी एकता माओवादी केन्द्रसँग कि नेकपा एमालेसँग गर्ने भनिएको हो ?

Vianet communication
IME BANK INNEWS

नेकपा (एकीकृत समाजवादी)को ३२ औं सचिवालय बैठकले गरेको निर्णय के हो भने वर्तमान ५ दलीय गठबन्धनलाई कायम राख्दै वामपन्थी एकताको निम्ति पहल गर्ने निर्णय गरेका छौं ।

त्यसो भनेको, अहिलेको पाँचदलीय गठबन्धन कायम नै हुनुपर्छ र यसलाई कुनै हालतमा भत्काउन हुँदैन भन्ने हो । त्यसो भए पाँचदलीय गठबन्धनभित्रको वामपन्थीहरू कि बाहिरको भन्ने प्रश्न आउँछ । पाँचदलीय गठबन्धनमा रहेका कांग्रेसबाहेक सबै वामपन्थी दलहरू नै हुन् । ती दलहरूको नाम फरक होला, त्यो भिन्नै कुरा हो । गठबन्धनभित्र रहेको चार दल एक ठाउँमा होऔं है भनेको हो ।

त्यसबाहेक, गठबन्धनभन्दा बाहिर रहेका दलहरू जस्तै, मोहन वैद्य, नेत्रविक्रम चन्दले नेतृत्व गरेका दलहरू छन् । एमालेभित्रै पनि असल मान्छेहरू छन् ।

दक्षिणपन्थी दलदलमा भासिएको केपी ओली प्रवृत्तिको वरिपरि घुम्ने तत्त्वबाहेक त्यहाँ पनि असल इमान्दारहरूको ठूलो पंक्ति छ । उनीहरूलाई पनि कुनै न कुनै रूपमा प्रभाव पार्नुपर्ने छ । हुन त त्यो त्यति सरल छैन । हामीले त विद्रोह गर्न आँट गर्‍यौं र छुट्टै पार्टीको अस्तित्वमा छौं । त्यहाँबाट वामपन्थी गठबन्धनमा आउनका लागि त त्यस्तै विद्रोह गरेर आउनुपर्ने हुन्छ । त्यहाँ विद्रोह गर्ने अवस्थामा रहेको समूह पनि छ । 

विद्रोह गरेर आएको हुनाले हामीले पहिलो दिनबाटै भन्दै आएका छौं कि वृहत्तर वामपन्थी एकताको निम्ति पहल गर्छौं । सबैभन्दा ठूलो पार्टी बनाएरै छाड्छौं भनेका छौं । त्यही उद्देश्यका लागि एकताको पहल गर्ने निर्णय भएको हो । 

पार्टी एकताका लागि तपाईंहरूले अहिले के–के काम गरिहनुभएको छ ? 

वृहत्तर वामपन्थी एकताका लागि निरन्तर काम भइरहेका छन् । कहिले हामी र माओवादी केन्द्रका बीचमा छलफल भइरहेको छ, कहिले बाबुराम भट्टराई र हाम्रो बीचका कुरा भएको छ ।

कहिले त्रिपक्षीय, कहिले द्विपक्षीय कुराकानी भइरहेका छन् । उपेन्द्र यादव, मोहन विक्रम, नेत्रविक्रम चन्द, मोहन वैद्य लगायतले नेतृत्व गरेका पार्टीहरूका बीचमा पनि कुराकानी गरिरहेका छौं । मूल प्रवाहमा आउन नसकेका कतिपय दलहरू, साना समूह व्यक्ति छन्, उनीहरूसँग पनि हाम्रो कुराकानी भइरहेकै छ । 

तपाईंहरू अहिले समाजवादी धारको एउटै पार्टी बनाउने भनेर घनिभूत छलफलमा हुनुहुन्छ । समाजवादी केन्द्र भन्ने पार्टी बनाउने काममा चाहिँ कत्तिको प्रगति भइरहेको छ ? 

समाजवादी केन्द्र हो कि समाजवादी मोर्चा बनाउने भन्ने कुराको निष्कर्षमा अहिल्यै पुग्ने बेला भएको छैन । अहिले कुरा भइरहेको छ, त्यो सकरात्मक दिशामा छ ।

वामपन्थी एकताको कुरा डङ्का पिट्ने वा नाङ्लो ठटाउने हिसाबले मात्रै गर्न खोजेको होइन । वामपन्थी पार्टीहरू मिलेर चुनावमा जाँदा कांग्रेसको अवस्था के हुन्छ भन्ने कुरा त कांग्रेसभित्रै चर्चा भएको छ नि ! कांग्रेस सभापतिले कम्युनिस्टहरू मिल्दा लौ त एकजना जितेर देखाऊ भन्ने अवस्था त्यसै आएको होइन । 

अहिल्यै निष्कर्षमा पुगिहाल्ने बेला भएको छैन । कम्युनिस्ट एकता केन्द्रको बारेमा पनि कुरा भएको छ । समाजवादी मोर्चाको बारेमा पनि कुरा भएको छ । वाममोर्चाको बारेमा कुरा भएको छ । चुनावमा जाँदा नेपाली कांग्रेस र वाममोर्चा सहकार्य गरेर चुनावमा जाने अवस्था पनि हुनसक्छ । यी विभिन्न विकल्पमा छलफल भइरहेका छन् । 

हामीले चाहेको चुनावसम्मका लागि मात्रै वाम एकताको कुरा होइन, पछिसम्म पनि वाम एकता कायम होस् भन्ने चाहना हो । पछिसम्मको कुरा हो । अहिले तत्कालैचाहिँ वामपन्थी एकता भएन भने के त भन्दा चुनावमा तालमेल, गठबन्धन, मोर्चा जुनसुकै रूपमा जान सकिन्छ । यसलाई सम्बोधन गर्नका लागि सबैलाई सुपाच्य हुने नाम समाजवादी केन्द्र पनि हुन सक्छ, वामपन्थी मोर्चा पनि हुनसक्छ । 

माओवादी केन्द्रका अध्यक्ष प्रचण्डले तपाईंहरूलाई पटक–पटक पार्टी एकताको प्रस्ताव गर्नुभएको छ । माओवादी र एकीकृत समाजवादीलाई मिलाएर नेकपा समाजवादी केन्द्र बनाऊँ भन्ने उहाँको प्रस्तावमा तपाईंहरूको धारणा के हो ? 

त्यस्तो प्रस्ताव पनि आएको छ । उहाँले हामीसँग बारम्बार पार्टी एकता गरौं भन्नुभएको छ । उहाँको त्यो प्रस्ताव हामीलाई अलि हतारो लागिरहेको छ । हामी तत्कालैचाहिँ माओवादी केन्द्र वा एमाले कुनैसँग पनि पार्टी एकता गर्ने पक्षमा छैनौं । हामीभित्र ती दुईवटै विचारले प्रवेश पाइरहेकै छ । एमालेसँग पार्टी एकता गर्न नसक्ने कैयौं कारणहरू छन् । 

हामीले विद्रोह गर्दाका कारणहरू तार्किक समाधानमा नपुग्दासम्म एमालेसँग एकताका लागि सोच्ने कुरै हुँदैन । एमालेसँगको विषयलाई लिएर काफी चर्चा हुने गरेको छ । म स्पष्ट गरौं, एमालेसँग तत्काल एकताको कुनै सम्भावना छैन । 

हामीले विद्रोह गर्नुको औचित्य पुष्टि गरेरै यहाँसम्म आइपुगेका छौं र पार्टी निर्माण गरिरहेका छौं । अब एमालेसँग मिल्न जाने भनेको अहिलेसम्मको हामीले गरेको सबै प्रयास धूलोमा मिसाएर केपी ओलीले भनेको मान्ने रूपमा  जाने हो र त्यो एक प्रकारको लम्पसारवाद नै हुन्छ । त्यस्तो काम किमार्थ गर्न सक्दैनौं । 

माओवादी केन्द्रसँग पनि तत्कालै एकता भइहाल्ने अवस्था छैन । उनीहरूका कतिपय विषयमा हामीले बहस गरिरहेकै छौं । 

तपाईंहरू एमालेमा हुँदा माओवादीसँग मिलेर एउटै पार्टी बनाएकै हो । अहिले पनि सहकार्यमै हुनुहुन्छ । नीति, एजेन्डा उस्तै देखिन्छन् । हिजो मिलिसकेको पार्टीसँग फेरि मिलेर एउटै पार्टी बनाउन के आपत्ति भयो र ?

जुन भिन्नताको आधारमा पार्टीबाट विद्रोह गरेका छौं, त्यो त हामीले पुष्टि गरिरहेकै छौं नि ! हिजो दुई पार्टी मिलेर नेकपा नै हुँदा पनि त हाम्रा मतभिन्नताहरू थिए । नवौं महाधिवेशनकै कुरा गर्ने हो भने नीति विचार हामीले राखेको पास भयो । धाँधली गरेर प्राविधिकरूपमा नेतृत्व केपी ओलीले हत्याएका हुन् ।

त्यहाँ भएको मत भिन्नतालाई साँघुरो बनाएर समाधानको बाटोमा जानुभन्दा केपी ओलीले आफूलाई सबैभन्दा अहंकारी, दम्भी, घमण्डी, अर्काको अस्तित्व नस्वीकार्ने प्रवृत्तिका रूपमा प्रस्तुत गरे । त्यसैकारण, हामीले विद्रोह गर्नुपर्ने अवस्था आयो । माओवादी केन्द्रसँग पनि कतिपय विषयमा हाम्रा मतभिन्नताहरू छन् । 

निर्वाचन नजिकिँदै गर्दा समाजवादी केन्द्रको चर्चा भइरहेको छ । चुनावकै लागि मात्रै समाजवादी केन्द्रको आवश्यकता परेको हो कि त्यसभित्र अरू कारणहरू पनि छन् ?

अहिले भइरहेको पाँचदलीय गठबन्धन त संविधान र लोकतन्त्र जोगाउने खास मिसनका लागि बनेको थियो । चुनाव त पछि समयक्रमसँगै जोडिएको कुरा हो । चुनावमा अग्रमणकारी शक्तिलाई विजयी तुल्याएर प्रतिगमनकारी शक्तिलाई पराजित गर्नका लागि तालमेल आवश्यक भयो । संघीयता, संविधान, गणतन्त्रलाई कमजोर पार्ने तत्त्वहरूले मुन्टो उठाउने अवस्था रहँदासम्म यो गठबन्धनको आवश्यकता रहन्छ । 

गठबन्धनभित्र नेपाली कांग्रेस र वामपन्थी दलहरू छन् । त्यसैले यसलाई वाम–लोकतान्त्रिक गठबन्धन भन्ने गरिएको हो । वामपन्थीहरूको बीचमा स्वाभाविकरूपमा सरसल्लाह हुन्छ । सकिन्छ भने एउटै मोर्चा बनाएर जाऔं, सकियो भने एउटै चुनाव चिह्न बनाएर जाऔं भन्ने विषयमा विचार मिल्नेहरूको बीचमा कुराकानी हुनु अस्वाभाविक होइन । भलै, एउटै चुनाव चिह्नको कुरा गर्दा त्यसमा अन्य प्राविधिक कुराहरू पनि जोडिएर आउँछन् ।

सत्तारूढ गठबन्धनभित्र कांग्रेसले बढी नै पेल्न थाल्यो अब हामी नमिली हुँदैन भन्ने चेत विस्तारै पलाउन थालेकाले पनि गठबन्धनभित्रको वामपन्थी एकताको कुरा आएको होला हैन ?

यो आमसञ्चार जगत, बौद्धिक वर्ग र वामपन्थी धारमा रहेर सोच्ने व्यक्तिहरूले विश्लेषण गर्न सक्छन् । तर, हामीले त्यसो भन्न मिल्दैन । 

कांग्रेसका कतिपय उत्ताउला नेताहरूले हामीलाई उपल्लो छेउमा जाओस् भनेर विभिन्न टिप्पणी गरिरहेका छन् । समाजवादीलाई यति सिट, अथवा यति सिट पनि दिन सकिँदैन भन्ने जस्ता टिप्पणी गरेर ‘ह्युमिलेट’ गर्न खोजिरहेका छन् । अनि हामीले वामपन्थी एकताको कुरा गरेर उनीहरूले गरेको ‘ह्युमिलेट’को जवाफ दिन नमिल्ने भन्ने हुन्छ र ? वामपन्थी एकताको कुरा डङ्का पिट्ने वा नाङ्लो ठटाउने हिसाबले मात्रै गर्न खोजेको होइन । वामपन्थी पार्टीहरू मिलेर चुनावमा जाँदा कांग्रेसको अवस्था के हुन्छ भन्ने कुरा त कांग्रेसभित्रै चर्चा भएको छ नि ! कांग्रेस सभापतिले कम्युनिस्टहरू मिल्दा लौ त एकजना जितेर देखाऊ भन्ने अवस्था त्यसै आएको होइन । 

कतिपयले चाहिँ कांग्रेसलाई तर्साउनका लागि वामपन्थी गठबन्धनको कुरा आएको भन्ने चर्चा पनि गर्छन् नि ?

यही विषय मलाईचाहिँ मन परिरहेको छैन । अनि, कांग्रेसले तर्साइरहेको छैन ? कांग्रेसका नेताहरूले के–के बोलिरहेका छन् भन्नेचाहिँ याद गर्नुपर्दैन ? पाँचदलीय गठबन्धनभित्र हामी नहुने हो भने कांग्रेसको हालत के हुन्छ ? चुनावमा कांग्रेस एक्लै जाने आँट गरोस त् । यसै पनि एमाले एकातिर हामी एकातिर हुने अवस्था बनिसक्यो । कांग्रेस पनि एक्लै चुनावमा जाओस् न त । कांग्रेस एक ठाउँमा, एमाले एक ठाउँमा र अरू एक ठाउँमा भएर चुनाव लड्ने अवस्था आउँदा के हुन्छ भन्ने अवस्थाको आँकलन भएको छ कि छैन त ?

तपाईंले नै प्रसंग निकाल्नुभयो, आगामी चुनावमा तीनवटा पोल बनेर त्रिपक्षीय प्रतिस्पर्धा हुँदा समाजवादी केन्द्रको अवस्थाचाहिँ कस्तो हुने आकलन छ ?

हामी त्यसको अन्तिम निष्कर्षमा पुगिसेका छैनौं । यस विषयको छलफलमा म धेरै सहभागी पनि छैन । हाम्रो पार्टीबाट एक जना उपाध्यक्ष र महासचिवले ती विषयमा छलफल गरिरहनुभएको छ ।

उहाँहरूले दिनुभएको जानकारी अनुसार उत्साहजनक छ भन्ने सुनेको छु । त्यो दिशातिर अग्रसर हुनु भनेकोचाहिँ हामीले सचिवालयमा सही निर्णय गरेका छौं । वर्तमान गठबन्धनलाई कायम नै राखेर वाम एकताका निम्ति पहल गर्ने भन्ने कुरालाई कार्यान्वयन गराउने जिम्मेवारी पनि हाम्रै हो । 

तपाईं वामपन्थी एकता र राष्ट्रिय राजनीतिमा नयाँ राजनीतिक पोलको कुरा गरिरहनुभएको छ । तर, एकीकृत समाजवादीभित्र नै एउटा पक्षचाहिँ एमालेतिर आँखा लगाइरहेको छ भन्ने चर्चा पनि सुनिन्छ नि ?

त्यो गलत हो । पार्टीमा त्यस्तो विभाजन छैन । हाम्रो पार्टीभित्र औपचारिक, अनौपचारिक विभिन्न छलफल हुने गर्दछन् । अनौपचारिक छलफलमा कसैलाई एमालेसँग मिले हुन्थ्यो जस्तो लाग्ला, त्यही अनुसार भन्नुहुन्छ, कसैलाई माओवादीसँग सहकार्य गर्न सहज हुन्छ भन्ने जस्तो लाग्ला, त्यही अनुसार भन्लान् ।

हामीले भर्खरै राजनीतिक, वैचारिक, देशको आर्थिक अवस्था र समस्या समाधानका सम्भावित उपायको बारेमा लामो छलफल गरेका छौं । त्यस्ता लामा र विस्तृत छलफलमा पनि यता वा उता जाने भन्ने बारेमा मतहरू व्यक्त भएका छैनन् । हाम्रो पार्टीभित्र पनि विभाजन कोर्न चाहनेहरूले त्यस्ता चर्चा चलाएका हुन सक्छन् । विभाजन ल्याउन सकिन्छ कि भनेर प्रयास पनि गरेका होलान् । 

चुनावमा सहभागी हुँदा पाँचदलीय गठबन्धनभित्र वा वामपन्थी मोर्चाभित्र एकीकृत समाजवादीले कति सीटमा दाबी गर्छ ?

हामीले अहिले सिटको हिसाब गरेका छैनौं । दाबी अहिले गरेका पनि छैनौं । र, अहिले भन्दा पनि भन्दैनौ । गठबन्धनमा रहेका दलहरूका बीचमा सम्मानजनक ढंगले सिटको बाँडफाँड हुनुपर्छ भन्ने पक्षमा छौं । स्थानीय चुनावको बेला केही कमीकमजोरी भएका छन् । हाम्रो विद्रोहको शक्ति, भावना र त्यागको सम्मान हुनुपर्छ कि पर्दैन भन्ने कुरा गरिरहेका छौं ।

अपमानकै खातिर कसैका लागि सहादत प्राप्त गर्नुपर्ने थियो भने त एमालेमै अपमान सहँदा भइहाल्थ्यो नि ! हामी अपमानित हुनका लागि जन्मिएका हैनौं । हाम्रो जे हैसियत हो त्यसको उपयुक्त ढंगले सम्मान र आदर हुनुपर्‍यो । कोही (कांग्रेस) दिन बसेका र हामी लिन बसेका जस्तो गरी व्यवहार हुनुहुँदैन । 

निर्वाचनको मिति घोषणा हुनुपर्ने समय घर्किसक्यो । गठबन्धनभित्र चाहिँ चुनाव सारेर फागुनमा गर्ने बारेको पनि चर्चा भइरहेको छ भन्ने सुनिन्छ । चुनावको मिति घोषणामा सरकारले किन अलमल गरिरहेको हो ? 

यसमा मैले दुईवटा कुरा बुझ्छु, सरकारले चुनावको मिति घोषणाका लागि परामर्श र सम्पूर्ण तयारी गर्नुपर्छ, त्यसका लागि समय लागेको हुनसक्छ । आर्थिक र मानवस्रोत दुवैको व्यवस्थापन सरकारले गर्नुपर्छ । त्यसका लागि सरकारले पर्याप्त समय खोज्छ ।

वामपन्थीहरूको बीचमा स्वाभाविकरूपमा सरसल्लाह हुन्छ । सकिन्छ भने एउटै मोर्चा बनाएर जाऔं, सकियो भने एउटै चुनाव चिह्न बनाएर जाऔं भन्ने विषयमा विचार मिल्नेहरूको बीचमा कुराकानी हुनु अस्वाभाविक होइन । भलै, एउटै चुनाव चिह्नको कुरा गर्दा त्यसमा अन्य प्राविधिक कुराहरू पनि जोडिएर आउँछन् ।

हाम्रो निर्वाचन कानूनले पनि निर्वाचन आयोग र सरकारको परामर्शमा मात्रै चुनावको मिति घोषणा हुने व्यवस्था गरेको छ । अहिले उहाँहरू परामर्शमा हुनुहुन्छ । उहाँहरूको परामर्शकै आधारमा चुनावको मिति तोकिन्छ । 

दोस्रो कुरा, कानूनी र संवैधानिक जटिलताको विषयमा पनि ध्यान दिनुपर्छ । हामीले यो कुरा स्थानीय तह निर्वाचनकै बेलामा भनिदिएको हो । कानूनी जटिलता फुकाएर स्थानीय, प्रदेश सभा र प्रतिनिधि सभाको चुनाव एकै चरणका हुने व्यवस्था गर्दा समय, खर्चको हिसाबले उपयुक्त हुन्थ्यो । 

एकै चरणमा चुनाव गरौं भन्दा हामीमाथि विभिन्न टिप्पणीसमेत गरिएको थियो । चुनावको मिति घोषणा गरेपछि अमूक कोही अदालतमा जाने र प्रश्न उठाउने कानूनी जटिलता फुकाएर चुनावमा जाँदा राम्रो हुन्छ भन्ने कुरा अहिले पनि हाम्रो छ ।

प्रदेशसभा र प्रतिनिधिसभाको चुनावमा जानका लागि त्यस्तो कानूनी जटिलता के छ र ?

कानूनी जटिलता छ नि ! मंसिर ४ र २१ गते दुई चरणमा गरेर चुनाव भएको थियो । फागुनको २१ गते सांसदले सपथ ग्रहण गरेका थिए । त्यसो हुँदा संसद्को कार्यकालको प्रश्न यसमा जोडिन्छ । हिजो स्थानीय तहको चुनावमा पनि यस्ता विषय आएका थिए ।

संविधानले स्थानीय तहका प्रतिनिधिको कार्यकाल सकिएको ६ महिनाभित्र चुनाव गर्ने व्यवस्था हुँदा पनि कसैले डाँडामा बसेर कार्यकाल सकिनुभन्दा दुई महिनाअघि नै चुनाव हुनुपर्छ भनेर कौलासेका कारणले हाम्रा कुरा सुन्दै नसुनी चुनावमा जाने अवस्था बनेको थियो । त्यतिबेला प्रदेश सभा र प्रतिनिधि सभाको चुनावको कुरा पनि नउठेको होइन । हामीले त सबै चुनाव एकै चरणमा गरौ भनेका थियौं । 

प्रदेश सभा र प्रतिनिधि सभा चुनावको बारेमा कानूनी जटिलता आउने विषय हो भने को–को बस्नुपर्छ, छलफलमा बसेर टुंगोमा पुग्नुपर्छ । यसमा निर्वाचन आयोग, सरकारका प्रतिनिधिहरू बसेर छलफल गर्ने तयारीबारेको अनौपचारिक कुरा पनि मैले सुनेको छु । त्यस्तो छलफल नहुन पनि सक्छ ।

अबको क्याबिनेट बैठकले चुनावको मिति घोषणा गर्ने चर्चा पनि भइरहेको छ । तर, जहिले चुनाव भए पनि हामी प्रतिस्पर्धा गर्न तयार नै छौं । मंसिरको ४ होस् वा फागुन २४ गते चुनाव होस् त्यसमा हामीलाई केही आपत्ति छैन । कुनै पनि बेलामा हुने चुनावका लागि हामी तयार भएर बसेका छौं ।

Maruti inside
TATA Below
NLIC
ncc inside
असोज १, २०७९

नेपालको रुकुममा जन्मिएर २ वर्षको उमेरमै देश छाडेका धिरज मगरको बाल्यकाल यूकेमा बित्यो । परिवारसँगै उनी त्यही बढे, त्यही पढे । त्यो बाल्यकालीन समयमा उनको सपना थियो फूटबल खेलाडी बन्ने ।  तर धिरज यतिबेल...

भदौ २३, २०७९

नेपालको हवाई क्षेत्रको नियामक निकाय नेपाल नागरिक उड्डयन प्राधिकरण (क्यान) का महानिर्देशक हुन्, ई. प्रदीप अधिकारी । माघ २० गतेबाट उड्डयन प्राधिकरणको नेतृत्व सम्हालेपछि समग्र हवाई उड्डयन क्षेत्रकै सुधारका लागि का...

भदौ ४, २०७९

शुक्रवारदेखि प्रदर्शनमा आएको चलचित्र ‘कृष्ण लीला’की अभिनेत्री हुन् श्रद्धा क्षेत्री । भारतमा जन्मिएकी, भारतमै हुर्किएकी र पढेकी श्रद्धा अडिसनमार्फत नेपाली चलचित्र उद्योगमा भित्रिएकी हुन् । प्रदर्शनका हिसा...

असार २७, २०७९

मस्कोमा बस्ने अमेरिकी राजनीतिक विश्लेषक एन्ड्रु कोरीब्को विश्व मामिलामा व्यापक टिप्पणी गर्ने गर्छन् । विश्व व्यवस्थामा आइरहेका परिवर्तन तथा अन्तर्राष्ट्रिय सम्बन्धमा विकसित बहुध्रुवीयताका बारेमा कोरीब्कोको गहिरो बुझाइ छ ।...

भदौ २८, २०७९

सर्वोच्च अदालतबाट भर्खरै अवकासप्राप्त न्यायाधीश तेजबहादुर केसीलाई निलम्बित प्रधानन्यायाधीश चोलेन्द्र शमशेरनिकट भनेर चिन्ने गरिन्छ । चोलेन्द्रमात्र नभई सर्वोच्चमा रहँदा अरु प्रधानन्यायाधीशसँग पनि उनले उत्तिकै निकट रहेर ...

असोज १४, २०७९

सत्तारूढ पाँचदलीय गठबन्धनमा प्रदेशसभा र प्रतिनिधिसभा निर्वाचनका लागि सीट र निर्वाचन क्षेत्र बाँडफाँट मोटामोटीरूपमा टुंगो लागेको छ । गठबन्धन र कांग्रेसले पाएको सीटको विषयलाई लिएर कांग्रेसभित्रै असन्तुष्टि बढेको छ...

मासु खाने पर्व मात्रै हो र दशैं ?

मासु खाने पर्व मात्रै हो र दशैं ?

असोज १५, २०७९

गाउँको दशैं र शहरको दशैं एउटै भए पनि मनाउने ढंग अलग–अलग छ । शहरमा दशैंमा न पिङ हुन्छ, न आत्मियता । गाउँमा परदेशबाट फर्कनेको लर्को, बोका, खसी र च्यांग्राको आवाज, धानका बाला लहलह झुलेका शितल हावा चले...

कर्णालीको कष्टपूर्ण सडक सञ्जाल : दुर्गमका जनताले सुरक्षित यात्रा गर्न नपाउने ?

कर्णालीको कष्टपूर्ण सडक सञ्जाल : दुर्गमका जनताले सुरक्षित यात्रा गर्न नपाउने ?

असोज १४, २०७९

यो वर्ष दशैंको मौसम शुरू भैसक्यो तर घर (जुम्ला) जान न सडक मार्ग गतिलो छ, न त हवाइमार्गको टिकट सहजै पाइन्छ । सधैँ झैं हुन्छ कि भनेर ‘झुक्याउने’ एयरलाइन्स एजेन्सी एजेन्ट मोबाइल फोन अफ हुन थालिस...

रवीन्द्र मिश्रको हाँसो लाग्दो भाषण सुनेपछि...

रवीन्द्र मिश्रको हाँसो लाग्दो भाषण सुनेपछि...

असोज १३, २०७९

बीपी कोइरालाको आदर्श मैले बोकेको छु भन्दै चुनावको मुखैमा रवीन्द्र मिश्र राप्रपा नेपालको हलो तान्न आइपुगेका छन् । पशुपति शमशेर राणा जत्तिकै उमेरसम्म  बाँचेर भए पनि देशको रक्षा गर्ने अठोट लिएका मिश्रले देशमा...

ad
x