नेकपा एमालेका नेता भीम रावलले अमेरिकी राज्य साझेदारी कार्यक्रम (एसपीपी) मा संलग्न नहुने भनी सरकारले अमेरिकालाई पत्र पठाउनु नेपाल र नेपालीको विजय भएको बताएका छन् ।

सरकारले अमेरिकालाई पत्र लेख्नुपर्ने भन्दै लगातार खबरदारी गर्दै आएका नेता रावलले पत्र पठाएकोप्रति खुशी व्यक्त गरेका छन् ।

शुक्रवार साँझ नेता रावलले ट्विटरमा लेखेका छन्, ‘देशभक्त नेपालीहरूको सशक्त आवाजको फलस्वरूप नेपाल सरकारले अमेरिकी राज्य साझेदारी कार्यक्रम (एसपपी) मा संलग्न नहुने भनी अमेरिकालाई पत्र पठाउनु नेपाल र नेपालीको विजय हो । देश हितमा आवाज उठाउने सबैलाई धन्यवाद र बधाई !’