नेकपा माओवादी केन्द्रको स्थायी कमिटी बैठक पदाधिकारी टुंगो लगाउन असफल भएको छ । शुक्रवार बिहान बसेको स्थायी कमिटी बैठकले पदाधिकारी टुंगो लगाउने भनिएको थियो । 

शुक्रवारको बैठकमा पदाधिकारीका बारेमा सामान्य छलफल भए पनि अन्तिम टुंगो लाग्न बाँकी रहेको स्थायी कमिटी सदस्य कृष्णबहादुर महराले जानकारी दिए । बैठकपछि पत्रकारहरूसँग कुरा गर्दै उनले पदाधिकारीका बारेमा बैठकमा छलफल भएको तर पदाधिकारी अझै टुंगो नलागेको जानकारी दिए । 

उनले शनिवार पुनः स्थायी कमिटी बैठक बस्ने र उक्त बैठकबाट पदाधिकारीको टुंगो लाग्ने बताए । महराले शनिवार दिउँसो १ बजे पुनः बैठक बस्ने जानकारी दिए ।