प्रचण्डले मेडिसिटी अस्पताल पुगेर लिए प्रदीप गिरिको स्वास्थ्य अवस्थाबारे जानकारी

नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले ललितपुरस्थित मेडिसिटी अस्पताल पुगेर नेपाली कांग्रेसका नेता प्रदीप गिरिको स्वास्थ्य अवस्थाबारे जानकारी लिएका छन् ।

प्रचण्डकी स्वकीय सचिव गंगा दाहालले प्रचण्ड मेडिसिटी गएका सामाजिक सञ्जालमार्फत जनाएकी छन् ।

दाहालले फेसबूकमा लेखेकी छन्, ‘अध्यक्ष कमरेड प्रचण्डद्वारा ललितपुरस्थित मेडिसिटी अस्पताल पुगेर स्वास्थ्य उपचार गराइरहनुभएका नेपाली कांग्रेसका आदरणीय नेता प्रदीप गिरिको स्वास्थ्य अवस्थाबारे जानकारी लिनुका साथै स्वास्थ्य लाभको कामना गर्नुभएको छ ।’

नेता गिरिको स्वास्थ्य अवस्था चिन्ताजनक रहेको चिकित्सकले जनाएका छन् ।