राष्ट्रिय प्रजातन्त्र पार्टीका अध्यक्ष कमल थापाले पार्टीका विभिन्न पदाधिकारी मनोनयन गरेका छन् । शनिवार अध्यक्ष थापाले उपाध्यक्ष, महामन्त्री, सहमहामन्त्री र सहायक प्रवक्ता पदमा मनोनित गरेका हुन् । 

राप्रपा नेपालका प्रवक्त सुरेश आचार्यका अनुसार अध्यक्ष थापाले पार्टीको विधान बमोजिम दिलनाथ गिरी र श्यामप्रसाद तिमिल्सिनालाई उपाध्यक्ष पदमा नियुक्त गरेका छन् । त्यस्तै महामन्त्री पदमा केशवराज श्रेष्ठ, रामसुन्दर विष्ट र दिनेशचन्द्र गुप्तालाई सहायक महामन्त्री तथा सस्मिता सुवेदीलाई सहायक प्रवक्ता पदमा मनोनयन गरेका छन् ।