नवनियुक्त दुई राजदूतले आइतवार राष्ट्रपति विद्यादेवी भण्डारीसमक्ष पद तथा गोपनीयताको शपथ लिएका छन् । 

राष्ट्रपति कार्यालय शितल निवासमा आयोजित एक समारोहमा गणतन्त्र ब्राजिलका लागि आवासीय राजदूत निर्मलराज काफ्ले र गणतन्त्र कोरियाका लागि नवनियुक्त राजदूत प्रा.डा. ज्योति प्याकुरेल भण्डारीले शपथ लिएका हुन् । 

शपथ ग्रहण समारोहमा नेपाल सरकारका उच्च पदस्थ अधिकारीहरूसमेत सहभागी भएका थिए ।