प्रमुख प्रतिपक्षी दल नेकपा एमालेको आग्रहमा प्रतिनिधि सभाको बैठक एक साताको लागि स्थगित भएको छ । स्थायी कमिटी, पोलिटब्युरो र केन्द्रीय कमिटी बैठकको कारण देखाउँदै एमालेले बैठक नराख्न आग्रह गरेको हो । 

सभामुख अग्नि सापकोटाका प्रेस सल्लाहकार श्रीधर न्यौपानेले प्रमुख प्रतिपक्षी दल नेकपा एमालेको आग्रहमा बैठक १३ गतेसम्मको लागि स्थगित भएको जानकारी दिए । एमाले स्थायी कमिटीको बैठक मंगलवार बस्दैछ । यस्तै ९ गते पोलिटब्युरो तथा १० र ११ गते केन्द्रीय कमिटी बैठक बैठक बस्दैछ । 

मंगलवारको बैठकमा बेपत्ता पारिएका व्यक्तिको छानविन, सत्य निरुपण तथा मेलमिलाप आयोग (तेस्रो संशोधन विधेयक) २०७९ पेश भएपछि सभामुखले भदौ १३ गतेसम्मका लागि बैठक स्थगित गरेका छन् ।