वाणिज्य बैंकहरुमा ३ दिनमै ७ अर्बले निक्षेप घटेको छ । बैंकहरुमा साउन मसान्तसम्ममा ४४ खर्ब ३३ अर्ब पुगेको निक्षेप घटेर भदौ ३ मा ४४ खर्ब २६ अर्ब रुपैयाँमा झरेको छ । यस्तो निक्षेप बैंकहरुमा साउन लागेदेखि नै निरन्तर घटिरहेको छ । बैंकहरुमा भएको निक्षेप अवधि पूरा भएर निकाल्ने तर नयाँ निक्षेप घटेको वाणिज्य बैंकको छाता संस्था नेपाल बैंकर्स संघले जानकारी दिएको छ । 

संघले जारी गरेको तथ्यांकअनुसार साउन मसान्तको तुलनामा ३ भदौसम्ममा कर्जा विस्तार भने एक अर्ब रुपैयाँले बढेको छ । यो अवधिमा ४१ खर्ब ७७ अर्ब रुपैयाँ पुगेको कर्जा विस्तार बढेर ४१ खर्ब ७८ अर्ब रुपैयाँ पुगेको पनि तथ्यांकले देखाएको छ । 

बैंकहरूमा तरलता अभाव लामो समयसम्म समाधान नहुँदा कर्जा विस्तार हुन नसकेको हो । गत आवको साउनदेखि बैंकहरूमा अपेक्षाअनुसार निक्षेप बढ्न सकेको छैन ।