सशस्त्र प्रहरी बलले आगामी मंसिर ४ मा हुने निर्वाचनका लागि २५ करोड बजेट पाएको छ । सशस्त्र प्रहरी स्रोतका अनुसार निर्वाचनमा सवारी साधन किन्नको लागि जम्मा २५ करोड रुपैयाँमा बजेट पाएको हो । सशस्त्रले ५० वटा सवारी साधन किन्ने तयारी गरेको छ । 

‘हामीलाई २५ करोड बजेट मात्रै आएको छ जसले ५०/५५ वटा गाडी आउँछन् की भन्ने हो,’ सशस्त्रका एक उच्च अधिकारीले लोकान्तरसँग भने ।

सशस्त्र यसभन्दा अगाडि २ सय सवारी साधनहरू भाडामा लिएर चलाएको थियो । 

सशस्त्रले निर्वाचन सुरक्षाको लागि सशस्त्र प्रहरी अतिरिक्त महानिरीक्षक (एआईजी) प्रकाशचन्द्र गौतमको नेतृत्वमा निर्वाचन सुरक्षा परिचालन कमिटी बनाएको छ ।