जनता समाजवादी पार्टीको अनुशासन आयोगका राष्ट्रिय अध्यक्ष नरसिंह चौधरी जनमत पार्टीमा प्रवेश गरेका छन् । नेपाल सद्भावना पार्टीका पूर्वउपाध्यक्ष समेत रहेका चौधरीको नेतृत्वमा जसपाका केन्द्रीय सदस्य एवं लुम्बिनी सांस्कृतिक नगरपालिकाका पूर्वमेयर मनमोहन चौधरीसहित नेता तथा कार्यकर्ताहरू जनमत पार्टीमा प्रवेश गरेका हुन् । 

नवप्रवेशीहरूलाई जनमत पार्टीका अध्यक्ष डा. चन्द्रकान्त (सिके) राउतले स्वागत गरेका थिए । जनमत पार्टी पहिलोपटक संसदीय निर्वाचनमा भाग लिने तयारीमा छ । उक्त पार्टीका अध्यक्ष सिके राउतले सप्तरी २ बाट निर्वाचन लड्ने तयारी गरिरहेका छन् ।