नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले काठमाडौंमा नयाँ उम्मेदवार खडा गर्ने बताएका छन् । पार्टीको तर्फबाट काठमाडौंमा नयाँ अनुहार उम्मेदवारको रुपमा प्रस्तुत गर्ने उनको भनाइ थियो । 

सोमवार काठमाडौंमा आयोजित पार्टीको कार्यक्रमलाई सम्बोधन गर्दै प्रचण्डले पछिल्लो समय मतदाताले उम्मेदवारका रूपमा नयाँ अनुहारलाई रुचाएको भन्दै उनले पार्टीको तर्फबाट मतदातको चाहनाअनुरुप नयाँ अनुहार प्रस्तुत गर्ने बताए ।

काठमाडौं महानगरपालिकाका मेयर बालेन्द्र साहले स्थानीय निर्वाचन सेन्टिमेण्टले जितेको दाबी गर्दै उनले भने, ‘माओवादी केन्द्रले बालेन्द्रले भन्दा चर्को सेन्मिेण्टको उपाय खोजिरहेको छ । हामी काठमाडौंका सबै क्षेत्रमा नयाँ अनुहारका उम्मेदवार उठाउने तयारीमा छौँ ।’