नेपाली कांग्रेसका उपसभापति पूर्णबहादुर खड्कालाई प्रतिनिधि सभाको उम्मेदवार बनाउन सुर्खेत क्षेत्र नं.–१ बाट सिफारिस भएको छ । बिहीवार बसेको क्षेत्रीय कार्य समितिको बैठकले खड्कालाई उम्मेदवारमा सिफारिस गरेको क्षेत्रीय सचिव मोहन रानाले बताए । 

खड्काको नाम बाँकेको निर्वाचन क्षेत्र नम्बर–३ बाट पनि सिफारिस भएको छ ।

२०७४ को निर्वाचनमा खड्का पराजित भएका थिए । तर, त्यसअघि सुर्खेत–१ बाट २०४८, ०५१, २०५६ उनले ह्याट्रिक गरेका थिए । २०६४ को पहिलो संविधान सभा चुनावमा भने उनी पराजित भएका थिए । तर, २०७० सालको दोस्रो संविधान सभा चुनावमा भने उनले अघिल्लो क्षति ‘रिकभर’ गरेका थिए ।