प्रमुख प्रतिपक्षी दल नेकपा एमालेले नागरिकता विधेयक सम्बन्धमा प्रतिनिधि सभाका सभामुखको भूमिका रिमोटबाट चल्ने रोबर्टजस्तो भएको आरोप लगाएको छ । राष्ट्रपतिले पुनर्विचारका लागि पठाएको नागरिकता विधेयकमा भूमिका नदेखाएकोमा एमालेले राष्ट्रिय सभामा सभामुखको विरोध गरेको हो । 

शुक्रवार बसेको राष्ट्रिय सभा बैठकमा नागरिकता विधेयकमाथिको छलफलका क्रममा एमाले संसदीय दलका नेता खिमलाल भट्टराईले राष्ट्रपतिले पुनर्विचारका लागि पठाएको नागरिकता विधेयकमाथि छलफल नगराएर सभामुखले गलत काम गरेको आरोप लगाएका हुन् ।

‘राष्ट्रपतिलाई संस्था नभई व्यक्तिको रूपमा बुझियो र संस्थालाई कमजोर बनाउने कोसिस भयो, गठबन्धनले राष्ट्रपति मात्र होइन संसदलाई कमजोर बनाउने काम गर्‍यो’, भट्टराईले भने, ‘सभामुखको भूमिका कतैबाट रिमोर्टबाट चल्ने रोबर्टजस्तो भइरहेको छ । सत्ता गठबन्धनको दम्भपूर्ण निर्णयमा सभामुखले डिक्टेट गर्न सक्नु भएन ।’ 

प्रतिनिधि सभाबाट जस्ताको तस्तै पारित नागरिकता विधेयक आज राष्ट्रिय सभाबाट पारित गर्ने तयारी छ ।