औद्योगिक क्षेत्र व्यवस्थापन लिमिटेड बालाजुले विभिन्न पदहरूमा  दरखास्त आह्वान गरेको छ ।

लिमिटेडले शुक्रवार सार्वजनिक सूचना जारी गर्दै खुला प्रतियोगितात्मक लिखित परीक्षाद्वारा पदपूर्ति गर्ने जनाएको हो । 

लिमिटेडले दोस्रो तहको सहायकदेखि सातौं तहको इन्जिनियरसम्मका लागि दरखास्त आह्वान गरेको हो । 

एसएलसी वा सो सरह उत्तिर्ण गरेकाले पनि रोजगारीका लागि दरखास्त दिन सक्ने लिमिटेडले जनाएको छ ।

लिमिटेडमा सेवाको किसिम स्थायी हुन्छ । 

आवेदन ३० दिनभित्र दिन सकिने बताइएको छ । जसका लागि लिमिटेडको वेबसाइटबाट फारम डाउनलोड गर्न सकिने लिमिटेडले जनाएको छ ।