दशैं अघि नै उत्तरी नाका पूर्णरूपमा सञ्चालन हुन्छः परराष्ट्र मन्त्रालय

परराष्ट्र मन्त्रालयले दशैं अघि नै चिनियाँ नाका पूर्णरूपमा सञ्चालनमा आउने बताएको छ । बिहीवार मन्त्रालयमा आयोजित नियमित पत्रकार सम्मेलनमा सहसचिव एवं प्रवक्ता सेवा लम्सालले अहिले बन्द रहेको उत्तरी नाका दशैं अघि नै पूर्ण सञ्चालनमा आउने बताएकी हुन् । 

बाढी, पहिरोका कारण नाका सञ्चालनका केही समस्या आएको लम्सालको भनाइ थियो । ‘बाढी, पहिरोले गर्दा बाटो बिग्रिएको कारण नाकामा थोरै समस्या रहेको हामीले पाएका छौँ, जतिसक्दो छिटो त्यसलाई सुचारु गर्ने काम भइरहेको छ । दशैंभन्दा अघि राम्रोसँग नाका सञ्चलन हुनेमा हामी ढुक्क छौँ । व्यापारिक सामग्रीहरुको आवागमन राम्रो र निर्वाध होस् भन्ने नै हाम्रो चाहना हो’, लम्सालले भनिन् । 

नाका सञ्चालनको विषयमा चिनियाँ पक्षसँग कुरा भइसकेको उनले बताइन् ।