मंसिर २४, २०८०
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
नेकपा एमालेका प्रभावशाली नेताद्वय भीम रावल र घनश्याम भुसालले आसन्न प्रतिनिधिसभा निर्वाचनमा टिकट नपाउने निश्चितजस्तै भएको छ ।
पार्टी अध्यक्ष समेत रहेका तत्कालीन प्रधानमन्त्री केपी शर्मा ओलीलाई प्रतिनिधि सभामा विश्वासको मत दिन अनुपस्थित रहेका नेतामध्ये भुसाल र रावलले टिकट पाउने सम्भावना न्युन रहेको एमाले स्रोतले लोकान्तरलाई बतायो ।
विगतमा माधवकुमार नेपाल निकट मानिने रावल र भुसाल लगायत १० जना नेताहरू माधव नेपाल क्याम्प छाडेर एमालेमै रहेका थिए । राप्रपासँगको चुनावी तालमेलका कारण भुसालको टिकट खोसिन लागेको हो ।
एमालेसँग राप्रपाले चुनावी तालमेल गर्दैछ ।
तालमेल गर्दा रुपन्देही–३ राप्रपा नेता दीपक बोहोराले पाउने भएका छन् । एमालेका एक पदाधिकारीका अनुसार राप्रपासँगको तालमेलको निर्णयमा हस्ताक्षर हुन मात्र बाँकी छ । २०७४ सालको प्रतिनिधिसभा निर्वाचनमा वाम गठबन्धनका उम्मेदवार भुसाल कांग्रेसको समर्थनमा उम्मेदवार बनेका बोहोरालाई पराजित गरेर विजयी भएका थिए ।
‘राप्रपालाई केही सिट दिएर तालमेल हुँदैछ, त्यसो हुँदा घनश्याम कमरेडले केन्द्रका टिकट पाउने सम्भावना लगभग सकिएको छ,’ एमालेका ती नेताले भने ।
पटक–पटक प्रतिनिधिसभा सदस्य बनेका भुसाललाई प्रदेशमा लड्न आग्रह गरिएको स्रोतले बतायो ।
भीम रावलको पनि टिकट पाउने सम्भावना न्युन !
विगतमा एमाले उपाध्यक्ष समेत रहिसकेका एमालेका प्रभावशाली नेता भीम रावलले पनि टिकट पाउने सम्भावना कम देखिएको छ । रावलले नेकपा एमालेको दशौं महाधिवेशनमा केपी ओलीसँग अध्यक्षमा प्रतिस्पर्धा गरेका थिए ।
आफू नेतृत्वको सरकार ढाल्नका लागि अगुवाइ गरेको भन्दै रावलसँग ओली असन्तुष्ट रहँदै आएका थिए । पछिल्ला ३ वटा निर्वाचनमा अछामबाट लगातार निर्वाचित हुँदै आएका रावल कांग्रेसका भरतकुमार स्वाँरलाई पराजित गर्दै प्रतिनिधि सभामा विजयी भएका थिए ।
‘नेतृत्वको आलोचना गर्दै हिँड्ने र विगतमा आफ्नै सरकार ढाल्न अगुवाइ गरेका नेतालाई टिकट दिन जरुरी छैन भन्ने स्थानीय कार्यकर्ताको सुझाव छ,’ एमाले स्रोतले भन्यो, ‘रावलले केन्द्रमा टिकट पाउने सम्भावना अत्यन्त न्युन छ, पाउनुहुन्न भन्दा पनि हुन्छ ।’
पार्टी विभाजनका क्रममा रावल निकट अधिकांश प्रदेश सांसदहरू नेकपा एसमा लागेका कारण उनको शक्ति क्षयीकरण भएको विश्लेषण भइरहेको छ । सुदूरपश्चिममा एमालेले रावलको सट्टा माओवादी छाडेर आएका लेखराज भट्टलाई अगाडि बढाउन खोजिरहेको छ ।
१० बुँदे पक्षधर अन्य नेताको अवस्था के छ ?
विगतमा माधव नेपाल निकट भनेर चिनिँदै आएका नेताहरूमध्ये अन्य नेताहरूले भने टिकट पाउँदैछन् । विगतमा पार्टी हितविपरीत काम गरेकोमा आत्मालोचनासहित उनीहरूलाई टिकट दिन लागिएको एमाले स्रोत बताउँछ । यद्यपि बाहिर प्रचार गरिएजस्तै लिखित आत्मालोचना गराउने निर्णय नभएको एमाले नेताहरू बताउँछन् ।
१० बुँदे सहमतिका पक्षधरमध्ये उपाध्यक्ष सुरेन्द्र पाण्डेले चितवन–१ बाट टिकट पाउने सम्भावना ज्यादा छ । राप्रपासँग तालमेल गर्दा चितवन–३ विक्रम पाण्डेलाई छाड्नुपर्ने भएकाले पाण्डे अहिलेसम्म टिकट पाउने सम्भावना छ । सचिव गोकर्ण विष्टले गुल्मी–२ बाट टिकट पाउने लगभग निश्चित छ ।
१० बुँदे सहमति गरेकामध्ये रघुजी पन्त समानुपातिकको बन्द सूचीमा परिसकेका छन् । मंसिर ४ गते हुने प्रतिनिधिसभा निर्वाचनका लागि आइतवार उम्मेदवार मनोनयनको कार्यक्रम छ । उम्मेदवार मनोनयनको दिन नजिकिँदा एमालेले राप्रपा र जसपासँग तालमेलको पहल गरिरहेको छ ।
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...