कतिपय निर्वाचन क्षेत्रमा उम्मेदवार नै टुंगो लागिनसकेका बेला नेकपा एमालेका सचिव योगेश भट्टराईले उम्मेदवारी दर्ताको तयारी थालेका छन् ।

निर्वाचन आयोगले असोज २३ गते आइतवार उम्मेदवारी दर्ताको कार्यतालिका निर्धारण गरेको छ ।

शुक्रवार सामाजिक सञ्जाल फेसबूकमा लेख्दै सचिव भट्टराईले आइतवार बिहान ११ बजे ताप्लेजुङको फुङ्लिङ बजारमा उपस्थित हुन स्थानीय नेता, कार्यकर्तालाई आग्रह गरेका छन् ।

उनले लेखेका छन्, ‘२०७९ मंसिर ४ गते हुने प्रतिनिधिसभा र प्रदेशसभाको निर्वाचनका लागि असोज २३ गते मनोनयन पत्र दर्ताको कार्यक्रम रहेको छ । असोज २३ गते आइतवार दिनको ११ः०० बजे नेकपा एमाले ताप्लेजुङका सम्पूर्ण कमरेडहरू सदरमुकाम फुङ्लिङ बजारमा रहेको पार्टी कार्यालयमा अनिवार्य उपस्थित हुन हार्दिक अनुरोध गर्दछु ।’

नेकपा एमालेले सबै क्षेत्रमा उम्मेदवार टुंग्याउन सकेको छैन । एमालेले अन्य दलसँग तालमेल गर्न छलफल चलाइरहेको छ । ताप्लेजुङमा भने भट्टराईले नै टिकट पाउने भएका छन् ।