नेकपा एमालेले सिन्धुपाल्चोकमा प्रतिनिधि र प्रदेश सभातर्फको उम्मेदवारहरूको टुंगो लगाएको छ । आगामी मंसिर ४ गते हुने प्रतिनिधि सभा र प्रदेश सभा निर्वाचनका लागि एमालेले उम्मेदवारको टुंगो लगाएको हो ।

एमाले स्रोतका अनुसार सिन्धुपाल्चोकबाट  प्रतिनिधि सभा क्षेत्र नम्बर १ मा सरेश नेपाल र २ मा शेरबहादुर तामाङ उम्मेदवार बन्नेछन् । 

प्रदेश सभातर्फ भने १ को ‘क’मा कमल नेपाल र ‘ख’मा होमनारायण श्रेष्ठ तथा २ को ‘क’मा अमान सिंह तामाङ र ‘ख’मा हस्त पण्डितलाई टिकट दिइएको छ । आगामी आइतवार उम्मेदवारको मनोनयन हुँदैछ ।