रुपन्देहीको ५ नम्बर क्षेत्रबाट प्रत्यक्ष चुनाव लड्ने गरी चुनाव अभियानमा जुटेका नेकपा एमालेका युवा नेता खिमलाल भट्टराईले टिकट नपाउने पक्का जस्तै भएको छ ।

एमाले राष्ट्रिय सभाका प्रमुख सचेतक भट्टराईको नाम एकल सिफारिस भएको थियो तर शुक्रवार सार्वजनिक भएको एमाले उम्मेदवारको सूचीमा भट्टराईको नाम परेन ।

एमालेले यो क्षेत्र तालमेलका लागि खाली राखेको छ । जनता समाजवादी पार्टी (जसपा) नेपालसँग चुनावी तालमेल भए यो क्षेत्र जसपाले पाउने बताइएको छ ।

कांग्रेसबाट यो क्षेत्रमा भरतकुमार शाह उम्मेदवार बन्ने निश्चित जस्तै छ । रुपन्देही–५ मा प्रदेश सभातर्फ ५(१) मा केन्द्रीय सदस्य भूमिश्वर ढकाल र ५(२) तालमेलका लागि खाली राखेको छ ।