पूर्व प्रधानमन्त्री एवम् नेकपा माओवादी केन्द्रका अध्यक्ष पुष्पकमल दाहाल 'प्रचण्ड'  गोरखा–२ मा उम्मेदवारी दिनका लागि त्यसतर्फ प्रस्थान गरेका छन् । 

उम्मेदवारी मनोनयनका लागि प्रचण्डको साथमा नेपाल समाजवादी पार्टीका अध्यक्ष डा. बाबुराम भट्टराई पनि गोरखा गएका छन् । 

यसअघि डा.भट्टराईले चुनाव जितेको क्षेत्र गोरखा–२ बाट प्रचण्डले चुनावमा प्रतिष्पर्धा गर्न लागेका हुन् । 

उनको उम्मेदवारी मनोनयनका लागि डा. भट्टराई प्रस्तावक रहनेछन् । 

गोरखा जानुअघि प्रचण्ड र भट्टराईले बाबुरामका बुवासँग आशीर्वाद लिएको डा.  भट्टराईले ट्वीट गर्दै जानकारी दिएका छन् । 

उनले जीवनको अन्तिम कालखण्डमा सहकार्यको नयाँ अध्याय थालनी गरिएको समेत जनाएका छन् ।  

गोरखा-२ बाट क. प्रचण्डको उमेदवारी विधिवत प्रस्तुत गर्न संगै गोरखातिर लागियो। उहॅाका दिवंगत पिता र हाम्रा सकुशल जीवित पिताको आशिर्वाद लिएर जीवनको अन्तिम कालखण्डमा सहकार्यको नयाॅ अध्याय थालनी गरियो। सबैको साथ र सहयोगको अपेक्षा! pic.twitter.com/kEsNRXuHbr

— Baburam Bhattarai (@brb1954) October 9, 2022