नेकपा एमालेले प्रतिनिधि सभातर्फ काठमाडौं क्षेत्र नम्बर ८ बाट शिवभक्त वैद्य र काठमाडौं १० बाट हिमेश केसीलाई उम्मेदवार बनाउने भएको छ । 

यसअघि एमालेका तर्फबाट काठमाडौं ८ मा अष्टलक्ष्मी शाक्य र १० मा रामबहादुर थापा ‘बादल’लाई टिकट दिइएको थियो । उनीहरू दुवैले उम्मेदवार बन्न अस्वीकार गरेपछि नयाँ उम्मेदवार तय गरिएको हो । शाक्यले आफू संसदीय राजनीतिबाट विदा दिने भन्दै टिकट अस्वीकार गरेकी थिइन् । त्यस्तै बादलले पनि आफू उम्मेदवार नबन्ने बसेका थिए । 

अध्यक्ष केपी ओलीले दुवैजनालाई उम्मेदवार बन्न आग्रह गरे पनि दुवै जनाले अस्वीकार गरेका थिए ।