नवौँ राष्ट्रिय खेलकुद प्रतियोगिताअन्तर्गत महिला तर्फको ह्याण्डबल प्रतिष्पर्धामा कर्णाली प्रदेशले मधेश प्रदेशलाई ११–७ गोलको अन्तरले पराजित गरेको छ ।

पोखरा रंगशालास्थित बहुउद्देश्यीय कभर्ड हलमा आयोजित प्रतियोगिताको पहिलो खेलमा कर्णालीले प्रतिष्पर्धात्मक जित निकाल्ने क्रममा अञ्जली शाही र संगीता सिंहले समान ५/५ गोलको योगदान गरे । 

पुरुष तर्फको ह्याण्डबल प्रतिष्पर्धामा पनि बागमतीले मधेश प्रदेशलाई २१–१३ स्कोरले पराजित गर्‍यो । सोनाम राकेश शेर्पाले बागमतीका लागि सर्वाधिक ५ गोल गरेका थिए ।