नेकपा एकीकृत  समाजवादीका अध्यक्ष माधवकुमार नेपालले एमाले अध्यक्ष केपी ओलीका कारण देश संकटमा परेकाले गठबन्धन गर्नु परेको बताएका छन् । आफूले विद्रोह नगरेको भए ओली अहिलेसम्म पनि सत्ता रहिरहने र मुलुकलाई बर्बादीतर्फ लगिरहने बताए  । 

शनिवार विराटनगरमा सञ्चारकर्मीहरूसँग कुरा गर्दै अध्यक्ष नेपालले नेपाली जनताले बलिदान गरेर ल्याएको संविधान ओलीले दुई–दुई पटक संसद विघटन गरेर उल्लंघन गरेको दाबी गरे । उनले अहिले एमालेले बनाएको गठबन्धनलाई 'अप्राकृतिक' बताएका छन । 

लोकतान्त्रिक–वाम गठबन्धनलाई भने ‘अर्गानिक' गठबन्धनको संज्ञा दिएका छन् । गठबन्धनभित्र केही समस्या भए छलफल गरेर एकढिक्का हुनसमेत उनले निर्देशन दिए ।