निर्वाचन आयोगले ‘नो नट अगेन’ नामक फेसबुक पेज तत्काल बन्द गर्न निर्देशन दिएको छ । आगामी मंसिर ४ गते हुने प्रतिनिधि सभा र प्रदेश सभा निर्वाचनका लागि आचारसंहिता जारी भइसकेको अवस्थामा उक्त फेसबुक पेज र ग्रुपमार्फत राजनीतिक दलका नेता तथा उम्मेदवारहरूविरुद्ध भ्रामक प्रचार गरेको पाइएकाले बन्द गर्न निर्देशन दिइएको आयोगले जनाएको छ । 

आयोगका प्रवक्ता शालिग्राम शर्मा पौडेलले मंगलवार जारी गरेको विज्ञप्तिमा फेसबुकमा विभिन्न नक्कली नाममा पेज, ग्रुप र आईडीसमेत निर्माण गरी राजनीतिक दल तथा नेताहरूको विषयमा भ्रामक प्रचार गर्ने, चरित्रहत्या गर्ने लगायतका कार्य भइरहेको भन्दै त्यस्ता आईडी, पेज तथा ग्रुप बन्द गर्न निर्देशन दिइएको छ । निर्वाचन आचारसंहिताविपरीतका कार्य गर्नेविरुद्ध कानूनी उपचारको बाटो अपनाइने पनि आयोगले चेतावनी दिएको छ । 

हेर्नुहाेस् आयाेगकाे विज्ञप्ति