जुम्लामा राप्रपाका उम्मेदवार ज्ञानबहादुर शाही ‘ज्ञानेन्द्र’ले ६ हजार ९२७ मत गणना गर्दा २ हजार ६४२ मतले अग्रता लिएका छन् ।

शाहीले ४ हजार ९१ र नेकपा माओवादी केन्द्रका गोमा गौतम कुँवरले १ हजार ४४९ मत प्राप्त गरेका छन् ।

कुँवर सत्तारुढ गठबन्धनका साझा उम्मेदवार हुन् । एमालेका रतननाथ योगीले ७९८ मत प्राप्त गरेका छन् ।

भ्रष्टाचारविरोधी अभियन्ताको परिचय बनाएका शाही पछिल्लो समय राप्रपा प्रवेश गरेका थिए । उनी पार्टी प्रवक्ता समेत हुन् ।