पूर्व मुख्यमन्त्री एवं नेकपा एमालेका नेता भीम आचार्य चुनाव लडेको सुनसरी–२ मा राष्ट्रिय स्वतन्त्र पार्टीका लालविक्रम थापाले शुरूआती अग्रता लिएका छन् ।

४ हजार ५९ मतसहित स्वतन्त्रता थापाले अग्रता लिइरहँदा एमालेका आचार्य ३ हजार १४७ मतसहित दोस्रो स्थानमा छन् । 

निवर्तमान सांसद सिताराम महतो २ हजार १२२ मतसहित तेस्रो स्थानमा छन् । सुनसरीकै क्षेत्र नम्बर ३ मा एमालेकी भगवती चौधरीले अग्रता लिइरहँदा नेपाली कांग्रेसका नेता विजयकुमार गच्छदार तेस्रो स्थानमा छन् । 

भगवतीले २ हजार ७११ मत पाउँदा रास्वपाका कमलबाबु मैनालीले २ हजार ३६७ मत प्राप्त गरेका छन् । यसअघि लगातार ६ चुनाव जितेका कांग्रेसका गच्छदार १ हजार ७६२ मतसहित तेस्रो स्थानमा छन् ।

सुनसरी–१ मा माओवादीले अग्रता लिएको छ भने ४ मा सञ्चारमन्त्री ज्ञानेन्द्रबहादुर कार्कीलाई पछि पार्दै एमालेको अग्रता छ ।