कोशी प्रदेशमा नेपाली कांग्रेसले आफ्नै दलबाट मुख्यमन्त्री केदार कार्की नेतृत्वको सरकार टिकाउन प्रयास गर्ने भएको छ ।

संविधानले दिएको बाटोलाई अवलम्बन गरेर कांग्रेस सरकार टिकाउन लाग्ने प्रमुख सचेतक गोपाल तामाङले बताए । 

‘वैशाख २५ गतेसम्म संविधानले समय दिएको छ,’ उनले भने, ‘संविधानले दिएको अधिकारलाई प्रयोग गरेर या राजनीतिक निर्णय गरेर भएपनि हामी उहाँ (मुख्यमन्त्री कार्की)लाई सहयोग गर्छाैं ।’

वैशाख २६ गतेपछि भने नयाँ निर्णय गरिने उनले बताए ।

यसअघि बसेको संसदीय दलको बैठकमा बहुमत सदस्यले मुख्यमन्त्रीले मार्गप्रस्त गर्नुपर्छ भन्ने धारणा राखेका थिए । यद्यपि दलको बैठकले सरकार बचाउनु पर्छ भनेर निर्णय गरिने तामाङले बताए ।

मुख्यमन्त्री कार्की र संसदीय दलका नेताबीच कोशीमा टसल छ । यसअघि संसदीय दलको नेतृत्वको उनले राजीनामा दिएर मार्गप्रशस्त गर्नुपर्ने पक्षमा थियो । अहिले केही लचक देखिएको छ । 

संसदीय दलका नेता उद्धव थापा कांग्रेसमा संस्थापक पक्षधर हुन् भने मुख्यमन्त्री कार्की डा शेखर कोइराला पक्षका हुन् ।

कार्की नेकपा (एमाले)को सहयोगमा मुख्यमन्त्री बनेका थिए ।