बर्दियाको २ नम्बर निर्वाचन क्षेत्रमा स्वतन्त्र उम्मेदवार लालवीर चौधरी २६ हजार ५२० मत प्राप्त गरी प्रतिनिधिसभा सदस्यमा निर्वाचित भएका छन् ।

गत आइतवार सम्पन्न प्रतिनिधिसभा तथा प्रदेशसभा निर्वाचनमा उनले सत्ता गठबन्धनका उम्मेदवार नेकपा माओवादी केन्द्रका सुरेश पन्थलाई १३६ मतले पराजित गरेका हुन् ।

पन्थले २६ हजार ३८४ मत प्राप्त गरेका छन् । नेकपा एमालेका पंकजसिंह राठौरले १६ हजार ९० मत प्राप्त गरेका छन् भने राप्रपाका विनय रावलले १३ हजार २९२ मत प्राप्त गरेका छन् ।

निर्वाचित चौधरी रेशम चौधरीका बुवा हुन् । नागरिक उन्मुक्ति पार्टीबाट रेशमले दिएको उम्मेदवारी खारेज भएपछि उनका बुवा लालवीरलाई पार्टीले समर्थन गरेको थियो ।

बर्दिया–२ मा १ लाख ५२ हजार ६२ मतदाता रहेकोमा ९२ हजार १९९ मत खसेको थियोे । सो मतमध्ये ८६ हजार ८१२ सदर मत भएका थिए भने बदर मत ५ हजार ३८७ भएका निर्वाचन कार्यालय बर्दियाले जनाएको छ ।