स्याङ्जा क्षेत्र नम्बर २ को मतगणना सुरु भएको छ । बुधबार राति १० बजेदेखि मतगणना सुरु भएको निर्वाचन अधिकृत रामचन्द्र शर्माले जानकारी दिए । स्याङ्जा २ मा प्रतिनिधिसभातर्फ कांग्रेसका उपसभापति धनराज गुरुङ र एमालेकी सचिव पद्मा अर्यालबीच मुख्य प्रतिस्पर्धा छ । मतदानका क्रममा बुथ कब्जा गरेर कांग्रेसले धाँधली गरेको भन्दै एमालेले विवाद निकाल्दा स्याङ्जा २ मा हालसम्म पनि मतगणना सुरु हुन सकेको थिएन। 

यहीबीचमा निर्वाचन आयोगले स्थलगत अध्ययन गरेर बुथ कब्जा नभएको निष्कर्ष निकाल्दै मतगणना सुरु गर्न निर्देशन भएसँगै रातिदेखि मतगणना सुरु भएको हो ।