कांग्रेस उपसभापति धनराज गुरुङ प्रतिनिधिसभा सदस्यमा निर्वाचित भएका छन् । स्याङ्जा २ मा शनिबार सम्पन्न भएको मतगणनामा गुरुङ भारी मतान्तरसहित विजयी भएका हुन् । 

उनले ३१ हजार ४६६ मत पाउँदा एमालेकी सचिव समेत रहेकी उम्मेदवार पद्मा अर्यालले २५ हजार ८३९ मत पाइन् । निर्वाचन अधिकृतको कार्यालयले गुरुङ निर्वाचित भए आधिकारिक घोषणा गरिसकेको छ । 
मंसिर ४ को निर्वाचनमा धाँधली भएको भन्दै १० दिनसम्म स्याङ्जा २ को मतगणना रोकिएको थियो । निर्वाचन आयोगले पुनः मतदान गर्न नपर्ने निर्णय गरेपछि मतगणना थालिएको थियो ।