नेदरल्याड्सलाई पराजित गर्दै अर्जेन्टिना  विश्वकप फुटबलको सेमिफाइनलमा प्रवेश गरेको छ । शनिबार बिहान कतारको लुसाइल रंगशालामा ​ सम्पन्न खेलमा पेनाल्टी सुटआउटमा ४–३ गोल अन्तरले नेदरल्याड्सलाई स्तब्ध बनाउँदै अर्जेन्टिना सेमिफाइनलमा प्रवेश गरेको हो । 
निर्धारित ९० मिनेटको खेल २–२ को बराबरी र अतिरिक्त समयमा दुबै टोलीबाट थप गोल हुन नसकेपछि खेल पेनाल्टी सुटआउटमा पुगेको थियो । जसमा अर्जेन्टिनाले बाजी मार्दा नेदरल्याड्स घर फर्किन बाध्य भयो । 

अर्जेन्टिनाका लागि मोलिनाले खेलको ३५ औं मिनेटमा पहिलो गोल गरे  भने ७३ औं मिनेटमा मेस्सीले पेनाल्टीमार्फत गोल गर्दै टीमलाई २–० को अवस्थामा पुर्याए । तर, नेदरल्याड्सका खेलाडी वटले ८३ औं र ९० मिनेटको इन्जुरी समयमा २ गोल गरेर खेल अतिरिक्त समयमा धकेलेका थिए । 

जितसँगै अर्जेन्टिनाको भेट सेमिफाइनलमा क्रोएसियासँग भएको छ ।