काठमाडौं महानगरपालिकाका मेयर बालेन शाहले निर्वाचन आयोगले तोकेको जरिवाना अझै नतिरेको पाइएको छ । कतिपय जनप्रतिनिधिले आयोगले निर्णय गरेसँगै जरिवाना बुझाएकामा बालेनले भने मिनाहाका लागि निवेदन दिएका हुन् । 
गत वैशाखमा भएको स्थानीय निर्वाचनको खर्च विवरण समयमै नतिरेपछि बालेन लगायत कैयन उम्मेदवार जरिवानामा परेका थिए ।  निर्वाचन आयोगका एक अधिकारीले जरिवाना मिनाहाका लागि बालेनले गत असोज ११ गते निवेदन दिएको जानकारी दिए । तर, आयोगले बालेनको निवेदनका विषय आफ्नो क्षेत्राधिकार भन्दा बाहिरको भएको जनाएको छ । निर्वाचन लगत्तै फोहोर व्यवस्थापनलगायतका महत्वपूर्ण काममा लाग्दा समयमा खर्च विवरण बुझाउन नसकिएको निवेदनमा उल्लेख गरिएको छ ।