रुसले युक्रेनका प्रमुख शहरहरूमा शुक्रवार व्यापक क्षेप्यास्त्र आक्रमण गरेको छ । 

आक्रमणका कारण महत्त्वपूर्ण संरचनाहरू ध्वस्त भएका छन् भने नागरिकहरू भवनमा पुरिएका छन् । 

राजधानी किएभ, दोस्रो ठूलो शहर खार्किभ र मध्यभागमा रहेको किर्भी रिहमा विस्फोट भएको हो । 

रुसले हप्तौंदेखि युक्रेनको नागरिक संरचनालाई तारो बनाउँदै आएको छ । युक्रेनीहरूलाई युद्ध लम्ब्याउनबाट रोक्न तथा युरोपमा शरणार्थी संकट उत्पन्न गर्न रुसले यी आक्रमणहरू गरिरहेको हो । 

युक्रेनी सांसद आन्द्री ओसादचुकले शुक्रवार ७० क्षेप्यास्त्रहरू प्रहार गरिएको बताए । तीमध्ये ३० वटा क्षेप्यास्त्रलाई खसाइएको उनको भनाइ छ । 

राष्ट्रपति कार्यालयका उपप्रमुख किरिलो टिमोशेन्कोले किर्भी रिह शहरमा एक आवासीय भवनमा क्षेप्यास्त्र आक्रमण भएको बताए । त्यहाँ मानिसहरू भग्नावशेषमा पुरिएको हुन सक्ने उनले अनुमान गरे । 

कतिजना हताहत भए भनी सूचना पाइएको छैन । कुन महत्त्वपूर्ण संरचनामा क्षति पुगेको हो भनेर पनि खुलेको छैन ।