नेपाली कांग्रेस बागमती प्रदेश संसदीय दलको नेताका लागि भएको निर्वाचनमा बहादुरसिंह लामा निर्वाचित भएका छन् । 

बुधवार भएको निर्वाचनमा लामा संसदीय दलको नेतामा चयन भएका हुन् ।

सर्वसम्मत रूपमा दलको नेता चयन हुन नसकेपछि केन्द्रीय सदस्य लामा र प्रदेश सभापति ईन्द्रबहादुर बानियाँ निर्वाचन प्रक्रियामा होमिएका थिए । नेपाली कांग्रेसको प्रत्यक्ष र समानुपातिक गरी कूल ३७ जना प्रदेशसभा सदस्य रहेकोमा बानियाँले १६ मत प्राप्त गर्दा लामाले २१ मत प्राप्त गरेका छन् ।