प्रधानमन्त्री पुष्पकमल दाहाल ‘प्रचण्ड’ले निजगढ अन्तर्राष्ट्रिय विमानस्थल छिट्टै निर्माण प्रकिया अगाडि बढाउने बताएका छन् । उनले अबको आवश्यकता निजगढ विमानस्थल नै भएको बताए ।

आइतवार पोखरा विमानस्थल उद्घाटन समारोहमा प्रधानमन्त्री प्रचण्डले यो विमानस्थल बनाउन आफैंले खेलेको भूमिका सम्झिरहेको पनि बताए । ‘यो विमानस्थल राम्रोसँग चल्नुपर्छ’, उनले भने । 

प्रधानमन्त्री प्रचण्डले अब सामाजिक न्याय र विकासको एजेन्डा नै सरकारको प्राथमिकतामा रहेको बताए । उनले अबको बाँकी जीवन जनताको विकास र समृद्धिको लागि खर्चनेसमेत प्रतिबद्धता जनाए ।