सुदूरपश्चिम प्रदेशको मुख्यमन्त्रीमा नेकपा एमाले संसदीय दलका नेता राजेन्द्रसिंह रावल नियुक्त भएका छन् ।

प्रदेश प्रमुख देवराज जोशीले बुधवार रावललाई मुख्यमन्त्री नियुक्त गरेका हुन् ।

सत्तारुढ गठबन्धनबाट २९ सांसदको समर्थनसहित रावल मुख्यमन्त्री बनेका हुन् । रावललाई नेकपा एमाले, नेकपा माओवादी केन्द्र, नागरिक उन्मुक्ति पार्टी र राप्रपाले समर्थन गरेका छन् ।

रावल नेकपा एमाले पोलिटब्युरो सदस्य तथा सुदूरपश्चिम प्रदेश सहइन्चार्ज समेत हुन् । उनी समानुपातिकबाट प्रदेशसभा सदस्य निर्वाचित भएका थिए ।