गण्डकी अस्पताल पोखरामा विमान दुर्घटनामा ज्यान गुमाएका यात्रुहरूको आफन्त तथा परिवारजनको भीड लागेको छ। 

अहिले मृत्यु भएकाहरूको सनाखत र पोस्टमार्टम प्रक्रिया चलिरहेको छ । गण्डकी स्वास्थ्य विज्ञान प्रतिष्ठानमा राखिएका शवहरूको पहिचान र पोस्टमार्टमका लागि काठमाडौंबाट मेडिकल टिम पोखरा पुगेको छ । विमानमा रहेका सबै ७२ जनाकै निधन भएको थियो। 

नागरिक उड्डयन प्राधिकरणले मृतकका आफन्तहरूलाई लेकाली होटल पोखरामा खाना र बस्न व्यवस्था मिलाइएको जनाएको छ।