एलआरआई स्कुलले आयोजना गरेको बास्केटबल तथा फुटसल फेस्ट २०७९ को  पाचौँ दिनको सेमीफाइनल समीकरण पूरा भएको छ । विद्यालय हाताभित्र आयोजना भइरहेको प्रतियोगितामा बास्केटबलतर्फ १६ र फुटसलतर्फ १० टोलीको सहभागिता रहेको छ । 

एलआरआई बास्केटबल तथा फुटसल फेस्ट २०७९ को आज बुधबार हुने सेमीफाइनलका लागि बास्केटबल र फुटसल दुबैतर्फका अन्तिम ४ टोलीको टुंगो लागेको छ ।  बास्केटबल तर्फको क्वाटरफाइनलमा एलआरआई र पुष्पसदन भिडेका थिए । विजयी एलआरआईले ४३ स्कोर गर्दा पुष्पसदनले ४२ स्कोर गरेको थियो । यस्तै, सीसीआरसी र ओमेगाको खेलमा ६७ स्कोर गरेको सीसीआरसीले जित हात पार्दै समेीफाइनलको यात्रा तय गरेको छ । 

यस्तै, नभोदित र सामाखुसी विद्यालयबीच भएको खेलमा नभोदित विजयी भएको छ । नभोदितले ४५ स्कोर गर्दा सामाखुसी विद्यालयले ३४ स्कोर गरेको छ । क्वाटरफाइनलको अन्तिम खेलमा टाइम्स कलेज विजयी भएको छ । टाइम्सले ६० स्कोर गर्दा ग्लोबलले ४५ स्कोर गरेको थियो । 

१० टोलीले प्रतिस्पर्धा गरेको फुटसलतर्फ केसीसीएस, ट्रिटन, पुष्पसदन र ह्वाइटहाउसले सेमीफाइनलको यात्रा तय गरेका छन् । आज बुधबार फुटसल र बास्केटबलका सेमीफाइनल खेलहरु हुनेछन् । सेमीफाइनल खेलहरुमा विजयी हुने टोलीले फाइनलमा स्थान सुनिश्चत गर्नेछन् ।