प्रदेश १ का मुख्यमन्त्री हिकमतकुमार कार्कीले प्रदेश सरकार खर्चिलो भयो खारेज गर्नुपर्छ भन्ने बेला नभएको बताएका छन् ।

विराटनगरमा आजदेखि शुरु सीआईएन कोशी एक्पो उद्घाटन समारोहमा मुख्यमन्त्री कार्कीले पहिलो कार्यकाल सकिएर दोस्रो कार्यकाल भरर्खर मात्रै सकिएकाले प्रदेशको समीक्षा गर्ने बेला नभएको बताएका हुन् ।

कार्कीले प्रदेश सरकार खारेज गर्नुपर्छ भन्नेहरूले हतार गरेको टिप्पणी गरेको समेत बताए ।

‘प्रदेश खारेज गर्नुपर्छ भन्ने खालका स्टाटसहरू आउन थालेका छन् । ५ वर्षको अवधिमा प्रदेश सरकार र प्रदेश नै खारेज गर्नुपर्ने अवस्था आएको छैन,’ उनले भने, ‘कमजोरी सच्याउने प्रयास गरौँ, राम्रो कामको प्रशंसा पनि गरौँ, नराम्रो कुराको विरोध गरौँ तर अहिले नै खारेज गरौँ भनेर कुरा नउठाऊँ ।’

परमादेशी सरकारले मन्त्रालयको संख्या बढाएको भन्दै मुख्यमन्त्री कार्कीले आफूले मन्त्रालयको संख्या घटाएको बताए ।

प्रदेशसभाको संख्याको १० प्रतिशतभन्दा कम मन्त्री बनाउने भन्ने आफ्नो पाटीको निर्देशन भएको भन्दै कार्यान्वयन गर्ने बताएका छन् ।

कार्कीले प्रदेशको नामकरण पनि छिट्टै गर्ने बताए। सहमतिका आधारमा नाम टुङ्ग्याउन र सहमति नभएमा विधि र प्रक्रियाबाट टुंग्याउने उनले बताए।