उच्चस्तरीय राजनीतिक संयन्त्रको बैठकअघि प्रधानमन्त्री पुष्पकमल दाहाल 'प्रचण्ड'लाई एमाले अध्यक्ष केपी ओलीले भेट गरेका छन् ।

पार्टीको सचिवालय बैठकलगत्तकै ओली प्रचण्डलाई भेट्न सिंहदरबार पुगेका हुन् ।

एमालेको सचिवायल बैठकमा राष्ट्रपति चुनाव, सुदूरपश्चिम प्रदेशका विश्वासको मत, सत्ता गठबन्धन, रास्वापका मन्त्री फिर्तासहितका विषयमा छलफल भएको थियो । 

यही छलफललगत्तै ओली प्रचण्डलाई भेट्न सिंहदबारमा पुगेका हुन् ।

ओली संयोजक रहेको उच्चस्तरीय राजनीतिक संयन्त्रको बैठकअघि दुई नेताबीच भेट भएको र केहीबेरमा संयन्त्रको बैठक शुरू हुने जानकारी प्रधानमन्त्रीका प्रेस विज्ञ मनहरि तिमल्सिनाले दिए । 

माओवादीले राष्ट्रपतिमा राष्ट्रिय सहमति जुटाउनुपर्ने बताएको छ । तर एमालेले सत्ता गठबन्धनको भागबन्डामा आफ्नो दलले पाउनुपर्ने बताउँदै आएको छ ।

यसले सत्ता गठबन्धन्धनमा खटपटको संकेत देखिएको छ ।

दुई नेताको भेटघाटपछि संयन्त्रको बैठक भने अन्योल बनेको छ।